6. Ha ba fihla, a bona Eliabe, a re: Ruri, motlotsuwa wa Jehova o pela hae.
7. Jehova a re ho Samuele: O se ke wa tadima tshobotsi ya hae, leha e le bolelele ba seemo sa hae; nna ke mo lahlile; hobane Jehova ha a bone kamoo motho a bonang kateng; hobane motho o tadima tshobotsi, empa Jehova yena o tadima pelo.
8. Jese a bitsa Abinadabe, a mo fetisa pela Samuele. Samuele a re: Le enwa Jehova ha a mo kgethe.
9. Jese a fetisa le Shamma; Samuele a re: Le enwa Jehova ha a mo kgethe.