7. Kështu Moisiu doli për të takuar vjehrrin e tij, u përkul dhe e puthi; pyetën njëri-tjetrin për shëndetin e tyre, pastaj hynë në çadër.
8. Atëherë Moisiu i tregoi vjehrrit të tij të gjitha ato që Zoti u kishte bërë Faraonit dhe egjiptasve për shkak të Izraelit, të gjitha fatkeqësitë e pësuara gjatë udhëtimit, dhe si i kishte shpëtuar Zoti.
9. Dhe Jethro u gëzua për të gjitha të mirat që Zoti i kishte bërë Izraelit, duke e shpëtuar nga dora e egjiptasve.
10. Pastaj Jethro i tha: "Bekuar qoftë Zoti, që ju çliroi nga dora e egjiptasve dhe nga dora e Faraonit, dhe çliroi popullin nga zgjedha e egjiptasve!