22. Kor lenge vil du snu deg hit og dit,du fråfalne dotter?No skaper Herren noko nytt i landet,ei kvinne skal verja ein mann.
23. Så seier Herren over hærskarane, Israels Gud: Endå ein gong skal Juda og byane der seia desse orda når eg vender lagnaden for dei: «Herren velsigne deg, du rettferds bustad, du heilage fjell.»
24. Der skal Juda og alle byane bu saman, både bønder og gjetarar som flakkar ikring med flokken sin.
25. Eg gjev den slitne rikeleg å drikka og mettar alle som lid naud.
26. Då vakna eg og såg meg ikring. Søvnen hadde gjort meg godt.