52. Испрати гласници пред Себе, кои отидоа во едно самариско село, за да Му приготват преноќевалиште,
53. но тие не сакаа да Го примат, зашто Тој одеше за Ерусалим.
54. Кога го слушнаа тоа учениците Јаков и Јован, рекоа: „Господе, сакаш ли да заповедаме да слезе оган од небото, па да ги уништи, како што направи Илија?“
55. Но Исус се сврте кон нив и ги прекори.
56. Потоа Исус и Неговите ученици отидоа во друго село.
57. Додека патуваа, еден човек Му пристапи и рече: „Готов сум да Те следам насекаде!“