4. «ចូរទៅបេតអែលហើយនាំគ្នាប្រព្រឹត្តអំពើបាបទៅ!ចូរទៅគីលកាលហើយនាំគ្នាប្រព្រឹត្តអំពើបាបរឹតតែច្រើនទៅ!ចូរធ្វើពិធីយញ្ញបូជានៅពេលព្រឹក!ហើយថ្វាយតង្វាយមួយភាគដប់ នៅថ្ងៃទីបី!
5. កូនចៅអ៊ីស្រាអែលអើយចូរធ្វើយញ្ញបូជាអរព្រះគុណជាមួយមេម្សៅចូរស្រែកប្រកាសក្ដែងៗថាអ្នករាល់គ្នាបានថ្វាយតង្វាយស្ម័គ្រចិត្តដ្បិតអ្នករាល់គ្នាចូលចិត្តធ្វើដូច្នេះ- នេះជាព្រះបន្ទូលរបស់ព្រះជាអម្ចាស់។
6. យើងបានធ្វើឲ្យកើតទុរ្ភិក្សនៅគ្រប់ទីក្រុងរបស់អ្នករាល់គ្នាហើយគ្រប់ៗផ្ទះខ្វះអាហារបរិភោគ។ទោះបីយ៉ាងនេះក្ដី ក៏អ្នករាល់គ្នាពុំព្រមវិលមករកយើងវិញដែរ- នេះជាព្រះបន្ទូលរបស់ព្រះអម្ចាស់។
7. យើងបានធ្វើឲ្យអ្នករាល់គ្នាខ្វះទឹកភ្លៀងរហូតដល់បីខែមុនរដូវចម្រូត។យើងបានឲ្យភ្លៀងធ្លាក់លើក្រុងមួយតែក្រុងមួយទៀតគ្មានភ្លៀងទេចម្ការមួយទទួលទឹកភ្លៀងរីឯចម្ការមួយទៀតត្រូវស្ងួតហួតហែងព្រោះតែគ្មានទឹកភ្លៀង។