13. «យេហូយ៉ាគីមអើយ អ្នកនឹងត្រូវវេទនាពុំខាន!ដ្បិតអ្នកសង់វាំងតែមិនប្រព្រឹត្តតាមសេចក្ដីសុចរិតអ្នកសង់បន្ទប់នៅជាន់ខាងលើតែមិនប្រព្រឹត្តតាមសេចក្ដីយុត្តិធម៌អ្នកប្រើប្រជារាស្ត្រឲ្យធ្វើការតែមិនឲ្យប្រាក់ឈ្នួលទេ។
14. អ្នកពោលថា “យើងនឹងសង់ដំណាក់មួយដ៏ស្កឹមស្កៃ មានបន្ទប់ធំទូលាយសម្រាប់យើង”។អ្នកចោះបង្អួច និងធ្វើជញ្ជាំងពីឈើដ៏មានតម្លៃហើយលាបពណ៌ក្រហម។
15. តើអ្នកចង់ពង្រឹងរាជសម្បត្តិដោយសង់ដំណាក់ពីឈើដ៏មានតម្លៃនេះឬ?បិតារបស់អ្នកធ្លាប់បរិភោគបាយទឹកដូចអ្នកឯទៀតៗដែរតែគេបានប្រព្រឹត្តតាមសេចក្ដីសុចរិតនិងយុត្តិធម៌ហេតុនេះហើយបានជាបិតារបស់អ្នកបានប្រកបដោយសេចក្ដីសុខសាន្ត។
16. បិតារបស់អ្នករកយុត្តិធម៌ឲ្យជនទុគ៌តនិងជនក្រីក្រហេតុនេះហើយបានជាស្រុកទេសមានសេចក្ដីសុខសាន្ត។ដ្បិតអ្នកដែលស្គាល់យើងតែងតែប្រព្រឹត្តដូច្នេះ- នេះជាព្រះបន្ទូលរបស់ព្រះអម្ចាស់ -។