17. Judá he'i chupe:—Aguerukáta ndéve peteĩ kavara ra'y.Upépe pe kuña he'i chupe:—Reheja ramo chéve peteĩ mba'e jeroviaha reruka peve chéve upe kavara ra'y, upéicha ramo mante aháta ne ndive.
18. Judá oporandu chupe:—Mba'eichagua mba'e jeroviaha piko reipota?Upe kuña he'i chupe:—Pe ne kuãirũ ha'ãngáva iñapytĩha reheve, ha pe yvyra rejekoha reraháva nde pópe.Judá ome'ẽ upe kuñáme opa mba'e ojeruréva. Oñeno hendive, ha nipo ombohye guasu ra'e.
19. Upe rire Tamar oho jey hógape, oipe'a hova mo'ãha ha omonde jey ijao tee.