18. He'i chupe Moisés:—Ndaha'éi sapukái rory ñorãirõha megua,ndaha'éi avei guahu oikóva osẽ vai ramo,purahéi hína upe ahendúva.
19. Oguahẽ Moisés tekoha ypýpe ha ohechávo tóro ra'y ha jeroky, hova rendypa pochýgui, omombo moikõive ita pehẽngue oguerúva ipópe ha ojoka yvyty mátare.
20. Upérõ ojapyhy tóro ra'y ha omombo tatápe, upéi omongu'i tumi upe tóro ra'y, iku'ikue oity ýpe ha ho'uka Israel guápe.
21. Ha he'i Aarónpe:—Mba'épa ojapo hikuái nde rehe, rejapouka haguã chupe kuéra ko angaipa peichaite ivaíva?