12. Nde rejapo ivaíva ñemiháme, che katu ajapóta nde rehe opa Israelgua renondépe, ára sakãme.’”
13. David he'i Natánpe:—Ajapo ivaíva Ñandejára renondépe.Natán he'i chupe:—Ñandejára na ne nupã mo'ãi ne angaipáre, ha neremano mo'ãi.
14. Nde ra'y heñói ramóva katu omanóta katuete ivai eterei haguére ko ne rembiapo Ñandejára renondépe.
15. Natán oho rire hógape, Ñandejára ombohasy ete pe mitãme Urías rembirekore imemby vaekue Davídgui.
16. Upérõ David oñembo'e Ñandejárape pe mitãre, ndokaruvéi ha oñeno yvýpe pyhare.