1. Opa rire ko'ã mba'e, opa Israelgua oĩva upépe oho umi táva Judagua rupi ha ojokapa umi ita ñembo'y,*f** oikytĩmba yvyra máta, omyangu'ipa umi tenda ijyvateha*f** ha altar*f** kuéra oñemboykéva tupã gua'u kuérape guarã, oĩva Judá ha Benjamínpe, avei Efraín ha Manaséspe, ohundipa peve. Upéi oho jey hikuái itáva kuérape, peteĩ-teĩva ijyvy teépe.
2. Upérõ mburuvicha guasu Ezequías omboja'o aty-atýpe, pa'i ha levíta kuérape hembiapo haguã tupaópe ojopyrúvo, pa'i kuéra pa'i rembiapópe ha levíta kuéra, levíta rembiapópe, oikuave'ẽ haguã mymbahapy*f** ha mymbajuka joajurã,*f** ojapo haguã umi mba'e tupao pegua ha ogueropurahéi haguã Ñandejárape tupao rokẽme.