43. Atebodd Laban a dweud wrth Jacob, “Fy merched i yw'r merched, a'm plant i yw'r plant, a'm praidd i yw'r praidd, ac y mae'r cwbl a weli yn eiddo i mi. Ond beth a wnaf heddiw ynghylch fy merched hyn, a'r plant a anwyd iddynt?
44. Tyrd, gwnawn gyfamod, ti a minnau; a bydd yn dystiolaeth rhyngom.”
45. Felly cymerodd Jacob garreg a'i gosod i fyny'n golofn.
46. Ac meddai Jacob wrth ei berthnasau, “Casglwch gerrig,” a chymerasant gerrig a'u gwneud yn garnedd; a bwytasant yno wrth y garnedd.
47. Enwodd Laban hi Jegar-sahadwtha, ond galwodd Jacob hi Galeed.