50. Yna arogldarthasant ar yr allor a chynnau'r canhwyllau oedd ar y ganhwyllbren i oleuo yn y deml.
51. Gosodasant y torthau cysegredig ar y bwrdd, a lledu'r llenni. Felly cwblhasant yr holl orchwylion a oedd mewn llaw.
52. Ar y pumed dydd ar hugain o'r nawfed mis, sef y mis Cislef, yn y flwyddyn 148 codasant yn y bore bach
53. ac offrymu aberth yn unol â gofynion y gyfraith ar yr allor newydd yr oeddent wedi ei hadeiladu i'r poethoffrymau.
54. Ar yr union adeg a'r union ddydd yr oedd y Cenhedloedd wedi ei halogi hi, fe ailgysegrwyd yr allor â chaniadau, â thelynau a phibau a symbalau.