39. O deulu Adonicam, y rhai olaf, a'u henwau yw: Eliffalatus, Jewel a Samaias, a saith deg o ddynion gyda hwy.
40. O deulu Bago, Wthi fab Istalcwrus, a saith deg o ddynion gydag ef.
41. “Cesglais hwy ynghyd wrth yr afon a elwir Theras, a buom yn gwersyllu yno dridiau, ac archwiliais hwy.
42. Ac wedi canfod nad oedd yno neb o linach yr offeiriaid na neb o'r Lefiaid,
43. anfonais at Eleasar, Idwelus, Maasmas,
44. Elnatan, Samaias, Joribus, Nathan, Enmatas, Sacharias a Mesolamus, a oedd yn wŷr blaenllaw a gwybodus,
45. a dywedais wrthynt am fynd at Adaius, y pennaeth yn y trysordy,
46. gan orchymyn iddynt ofyn i Adaius a'i frodyr a'r trysoryddion yno anfon atom rai i weinyddu fel offeiriaid yn nhŷ ein Harglwydd.