17. Julle geloof is 'n offer in diens van God. Selfs al word my bloed daarby as drankoffer uitgegiet, is ek daaroor bly, ja, is ek saam met julle almal bly.
18. Om dieselfde rede moet julle ook bly wees, ja, saam met my bly wees.
19. Ek hoop om, as die Here Jesus wil, Timoteus gou na julle toe te stuur, sodat ek ook rus in my gemoed kan hê as ek gehoor het hoe dit met julle gaan.
20. Ek het trouens niemand met dieselfde gesindheid as hy en wat julle belange so opreg sal behartig nie.
21. Al die ander soek net hulle eie belange, nie dié van Jesus Christus nie.